Blog

      ҲКҚҚисми бўлинмаларида 2018 йил учун ўқув тактик машғулот ўтказилиши бўйича ҲКҚҚ бошлиғи томонидан тасдиқланган жадвалига мувофиқ, 2018 йил 31 октябр куни “Олмалиқ” КМКнинг Чодак кон бошқармаси инженер-техник ходимлари ва 5-Алоҳида ҳарбийлаштирилган кон-қутқариш взводи қутқарувчилари иштирокида “Олмалиқ” КМК “Примироб” штольня  57 қияликда махсус тактик-ўқув машғулоти ўтказилди.

      Чодак кон бошқармаси «Пиримироб» шахтаси инженер-техник ва фуқаро мухофазаси ходимлари, ҳамда бошқарув бўлинмалари ходимларининг малакасини ошириш мақсадида, “Фавқулодда вазиятларнинг оқибатларини бартараф этиш ва олдини олиш” бўйича  ўтказилган махсус тактик-ўқув машғулотида Чодак кон бошқармасининг мухандис техник ишчилари ёнғинни бартараф қилиш командаси (ЧҲЁЎХ-19) ва тез тиббий хизмати ходимлари ҳамда ҲКҚҚисми 5-АҲКҚВзводининг     2 та тоғ кон-қутқарув бўлинмаси қутқарувчилари иштирок этишди.

       Машғулот ўтказиш режасига мувофиқ, иштирокчилар машғулот раҳбардан  топшириқ олиб  белгиланган вазифаларни бажаришга киришди.

       5-АҲКҚ взводи биринчи бўлинмасига жароҳатланганларни топиш, биринчи ёрдамни кўрсатиш ва ер юзасига чиқариш вазифаси топширилди.

       Иккинчи бўлинмага фалокатни бартараф этиш вазифаси топширилди.

Топшириқга мувофиқ,  биринчи бўлинма заҳарли газлардан заҳарланган бехуш жабрланувчига воқеа жойида  биринчи ёрдам кўрсатилди ва тиббий замбилга ётқизилиб, хавфсиз жойга  олиб чиқилди ҳамда ЧРУ шахтаси тиббиёт ходимларига топширилди.

Иккинчи бўлинма  нафас олиш йўлларини ҳимоя қилиш воситаси (респиратор)ни қўлланилган ҳолда ёнғин содир бўлган жойга келиб,  ўт ўчириш воситалари ёрдамида ёнғинни бартараф этди ва бу ҳақида бўлинма командири бошқарув пунктига  хабар берди.

       Махсус тактик ўқув машғулоти якунида Чодак кон бошқармаси раҳбарияти томонидан  ўтказилган  махсус- тактик ўқув машғулотини  амалга оширишда фаол иштирок этган 5-АҲКҚВ тоғ-кон қутқарувчиларига  миннатдорчилик билдирилди.