Ҳозирги даврда Республикамизда коронавирус инфекцияси кескин равишда тарқалиши ва эпидемиологик вазиятнинг оғирлашиши натижасида юзага келган мавжуд мураккаб вазиятда карантин қоидаларига катъий риоя қилган ҳолда, ҲКҚҚисм Штабининг 30 июнь 2020 йилда тасдиқланган “ҲКҚҚ бўлинмаларида командирлар ва шахсий таркиб иштирокида ўтказиладиган махсус– тактик ўқув машғулотлар режаси”га мувофиқ, кон – қутқарув ходимларининг билими, малакаси ва амалий кўникмаларини такомиллаштиришга йўналтирилган тактик – махсус ўқув машғулотлари ўтказилмоқда.
Режага мувофиқ ОКМК АЖга қарашли Ангрен ва Чодак кон бошқармаларига хизмат кўрсатилаётган ҳарбийлаштирилган кон-қутқарув отряди (ҲКҚО) ва 5-алоҳида ҳарбийлаштирилган кон-қутқарув взводи(5-АҲКҚВ)да ҲКҚҚ бошлиғининг тезкор-техник ва профилактик ишлар буйича ўринбосари иштирокида махсус кон – қутқарув жихозлари ва техникаларининг шайлиги, қутқарувчиларнинг авария холатларида ҳаракатланиши, жабрланувчиларга биринчи ёрдам кўрсатиш ва уларни хавфсиз жойга олиб чиқиш, командирлар таркибининг аварияни бартараф этишда бошқарув маҳорати бўйича махсус амалий машғулотлар ўтказилди.
Командирлар ва шахсий таркибга қўйилган асосий вазифалар, машқ давомида юқори ҳароратда, таркибида хавфли газ миқдори мавжуд бўлган, чекланган кўриниш шароитида авария юз берган жойга ўз вақтида етиб бориши, махсус кон – қутқарув жихозларини қўллай олиши, аварияни бартараф этишда самарали усулларданфойдаланиши, шахсий таркибнинг келишилган ҳолда тактик ҳаракатланиш уйғунлигига эришиши ва қидирув – қутқарув ишларини ташкиллаштириш ишлари юклатилган.
Машғулот раҳбари томонидан машғулот якунида шахсий таркибни кўрсатган натижалари муносиб баҳолаб, одамларни қутқариш, уларга биринчи тиббий ёрдам кўрсатиш ва эвакуация қилишда алоҳида профессионал маҳорат кўрсатган шахсий таркибга ўз миннатдорчилигини билдирди.
AVG
2020
About the Author: