Blog

So’nggi yillarda davlatimiz tomonidan yoshlarni ijtimoiy jihatdan shakllantirish va ularning intellektual, ijodiy, sport va boshqa yoʻnalishlardagi salohiyatini kamol toptirish masalasiga katta e’tibor qaratib kelinadi. Ayniqsa yoshlarni harbiy-vatanparvarlik ruhida tarbiyalashga qaratilgan musobaqalar, jumladan “Yosh qutqaruvchi” musobaqasi ham shular jumlasidandir.
 
Angren shahri Jigariston qo’rg’onida joylashgan 3-son o’rta ta’lim maktab o’quvchi yoshlarini mazkur musobaqaning tuman bosqichiga tayyorlash ishlari doirasida maktab ma’muriyati hodimi va o’quvchilar “Ozbekko’mir” AJga qarashli obyektlarda kon-qutqaruv ishlarini olib boruvchi 2-chi Alohida harbiylashtirilgan kon qutqaruv vzvodiga tashrif buyurishdi.

O’quvchi yoshlarga tajribali bo’linma komandiri yordamchisini jalb qilgan holda ekstremal vaziyatlarda to‘g‘ri harakat qilish, odamlarni qutqarish, ularga birinchi tibbiy yordam ko‘rsatish hamda o’t o’chirish vositalaridan samarali foydalanish uslublari to’g’risida mahorat darsi tashkil etildi.

 Ko’rgazmali maket va asbob-anjomlar yordamida o’tkazilgan ushbu mahorat darsida o’quvchi yoshlar o’zlari qiziqtirgan savollariga javob olishdi.