Ўзбекистон Республикаси Саноат хавфсизлиги давлат қўмитаси Ҳарбийлаштирилган кон-қутқарув қисми штаби томонидан тасдиқланган, ҲКҚҚ бўлинмаларида тактик-ўқув машғулотлари ўтказиш режасига мувофиқ, 2020 йил 1 июнь куни 10-АҲКҚВзводига қарашли «Хандиза» ҲКҚВзводи шахсий таркиби ва «Хандиза» кони ИТХ ходимлари иштирокида махсус-тактик ўқув машғулоти ўтказилди.
Ўқув машғулоти режасига мувофиқ, “Ҳандиза” конида юз берган авариявий вазиятда кон навбатчиси томонидан алоқа воситаси орқали олинган тезкор ҳабарни қабул қилиш, қутқарув бўлими авариявий ходиса рўй берган жойга ўз вақтида етиб бориш, фалокатга учраган тоғ-кон ишчисини топиш, жабрланувчига биринчи тез тиббий ёрдам кўрсатиш, уни тоза ҳавога олиб чиқиб, кон соғломлаштириш ходимларига топшириш вазифаси топширилди.
Машғулот давомида «Хандиза» ҲКҚВзводи тоғ-кон қутқарувчилари томонидан жабрланган ишчи топилиб, дастлабки тез тиббий ёрдам кўрсатилиб, хавфсиз жойга эвакуация қилинган ҳолда тиббиёт ходимларга топширилган.
Машғулот натижаларига кўра, ОКМКга қарашли «Хандиза» кони масъул раҳбарлари томонидан тоғ-кон қутқарувчиларнинг тактик ҳаракатига ижобий баҳо берилди. «Хандиза» ҲКҚВзводи тоғ-кон қутқарувчилари томонидан ўз вақтида жабрланувчини қутқариш, унга тиббий ёрдам кўрсатиш, хавфсиз жойга эвакуация қилишда юқори малака ва тажрибага эга взвод шахсий таркибига «Хандиза» кони масъул раҳбарлари томонидан миннатдорчилик билдирилди.
IYN
2020
About the Author: