Blog

2026-yil 17-fevral kuni Harbiylashtirilgan kon-qutqaruv otryadida HKQQ boshlig‘i M.M. Abdibayev tashabbusi bilan HKQQ bilan shartnoma asosida faoliyat olib borayotgan Xalqaro-huquqiy ishlar bo‘yicha advokatlar hay’ati huquqshunosi E.X. Melanov ishtirokida korrupsiyaga qarshi kurashish hamda xodimlarning ijtimoiy huquqlari va mehnatga oid munosabatlar masalalariga bag‘ishlangan umumiy yig‘ilish o‘tkazildi.
HKQQ boshlig‘i M.M. Abdibayev yig‘ilishni kirish soʻzi bilan ochib bеrdi.
Shundan so‘ng, advokatlar hay’ati huquqshunosi E.X. Melanov so‘zga chiqib, avvalo, korrupsiyaga qarshi kurashishning huquqiy asoslari, uning jamiyat va davlat taraqqiyotiga salbiy ta’siri, shuningdek, ushbu illatning oldini olishga qaratilgan profilaktik chora-tadbirlar haqida batafsil ma’lumot berdi.Shu bilan birga, ochiqlik, shaffoflik, halollik va shaxsiy javobgarlik tamoyillariga qat’iy rioya etish korrupsiyaga qarshi kurashishning eng samarali vositasi ekanini ta’kidladi.

E.X. Melanov oʻz nutqida xodimlarning ijtimoiy huquqlari hamda mehnatga oid munosabatlarda qonuniylik va adolatni ta’minlash masalalariga ham keng to‘xtalib o‘tdi. Mehnat munosabatlarida o‘zaro hurmat, intizom, mas’uliyat va qonun ustuvorligiga amal qilish, jamoada sog‘lom ma’naviy-psixologik muhitni shakllantirishini alohida ta’kidladi hamda ishtirokchilarga amaldagi qonunchilik talablariga qat’iy rioya etish yuzasidan tegishli tavsiyalar berdi.